Jilli Pireezidaantii Mootummaa Naannoo Oromiyaa Obbo Shimallis Abdiisaa fi Ministira Raayyaa Ittisa Biyyaa fi To'ataa Olaanaa Pirojektii Wancii Dandii Dr. Abrahaam Balaay, akkasumas Hojii Gaggeessaa Dhaabbata Saaliinii Peetiroo Saaliinii, fi Qondaaltonni Olaanoo Mootummaa Naannoo Oromiyaa fi Federaalaa Haroo Wancii daawwatan.Jilli kun daandii Aspaaltii Wancii -Dandii hojjetamaa jirus daawwateera. Pirojektoota gurguddoo sagantaa ‘maaddii biyyaaf’ kaka'umsa Ministira Muummee Dr. Abiyyi Ahimadiin hojjetamaa jiran keessaa, pirojektiin Haroo Wancii isa tokkodha. Haroon Wancii Finfinneerraa gara Lixaatti kiilomeetira 150 Godina Shawaa Kibba Lixaa dhiheenya magaalaa Walisootti argama. Haroon kun gadi fageenyaa kiilomeetira 78 kan qabu yoo ta’u, kiilo meetira 4.8 bal’ata. Ijaarsi projektii misooma Haroo Wancii fi Dandii bakka Ministirri MuummeeDr. Abiyyi Ahimad argamanitti waggaa darbe eegalamuun ni yaadatama. Haroo Dandii fi Wancii misoomsuun iddoo hawwata turiizimii gochuuf hirmaannaa ummataa, abbootii qabeenyaa fi mootummaan hojiin isaa jalqabame itti fufeera. Haroowwan kunneen sagantaa projektii ‘maaddii biyyaaf’ misoomsuun iddoo hawwata turiizimii gochuuf hojjatamaa jira.
